كتبت: رباب عادل أخصائية نفسية
في ظل الظروف التي يمر بها المصريين والعالم كله ، بنلاقي ردود أفعال مختلفة ..
كثير من الناس يتجه للهزار وآخرون يتجهون للأخبار وفئة إخري تتجه للنظافة
ويمكن اكثر وأغلب الناس دلوقتي مبقاش كلامها غير بس عن الكورونا والقلق الناتج منه !
أنا من الجيل اللي محضرش أزمات
ويمكن الازمه الي مريت بيها كانت اوقات ثورة يناير ..
طبيعي تكون قلقان علشان القلق ده هو الي بيحركك ويخليك تاخد حذرك وإحتياطك علشان سلامتك ، لكن لما القلق يتحول لذعر وهلع ويخليك حاسس بالأرق ومش عارف تنام من كتر التفكير ، مخليك مش عارف تروح شغلك ، مش عارف تتعامل مع أي شخص ، حياتك وقفت تماما ، يبقي هنا لازم تحط نقطه وتقف تشوف انت واصل لانهي مرحلة بالظبط !
ولاحظ مشاعرك وشوف تأثيرها علي السلوك الخاص بيك ..
ودي بعض النصائح الي ممكن تساعدك في خلال الظروف دي
استمتع بالوقت الي بتقضيه مع أسرتك وعوض الوقت الي مكنتش بتعرف تقعد معاهم فيه .
مارس هواية بتحبها.
مارس بعض الرياضة.
ابعد عن الأخبار السيئة قبل النوم بساعتين علي الأقل واعرف المعلومات من المصادر الصحيحة وابعد عن الشائعات.
اشرب بعض المشروبات الي بتساعد علي الهدوء والاسترخاء .
تناول الأكل الصحي .
وأخيرا خليك في البيت متخرجش الا للضرورة حفاظآ علي نفسك وعلي غيرك